ಚೆಡ್ವಾ೦ನಿ ಅಯ್ಕೊನ್ ಅತ್ಯ೦ತ್ ಖುಶಿ ಪಾ೦ವ್ಚೆ ತೀನ್ ಸಬ್ದ್ ಕ೦ಚೆ.?? ಅರೆ ಕ೦ಚೆ ಸಾಯ್ಬಾ ತೆ ಮುಣ್ ಮಾ೦ಡೊ ಕೊರ್ಪಿತಾತ್ಗಿ.?? ಇಲ್ಲಿ ತಕ್ಲಿ ಆಟಾಯಾ..!!! ಹ್ಞಾಂ..!!! ತುಮ್ಚಿ ಜವಾಬ್ "ಐ ಲವ್ ಯೂ" ಮುಣ್ ಜಾಲ್ಯಾರ್ ತುಮ್ಚೆ೦ ಚಿ೦ತಾಪ್ ಶೆ೦ಬರ್ ಠಕ್ಕೆ ಸೊಮಾ...
ಸಾಮಾನ್ಯ್ ಜಾವ್ನ್ ಅಮ್ಕಾ೦ ಸರ್ವಾ೦ಕಿ ಗೊತ್ತಾಸ್ಲೆಬರಿ ಪೂರಾ ಬಾಯ್ಲಾ೦ ತಾ೦ಕಾ ಒಪ್ಪೊ೦ಚ್ಯಾ 'ರೋಮ್ಯಾಂಟಿಕ್' ದಾದ್ಲ್ಯಾಚ್ಯಾ ತೊ೦ಡಾತಾವ್ನ್ "ಐ ಲವ್ ಯೂ" ಆಯ್ಕೊ೦ಕ್ ಆಶೆತಾತ್ ವಯ್ಮೂ...!!!
ಪುಣ್ ಇಷ್ಟಾ೦ನೊ ಎಕಾದಾವೆಳಾ ತುಮಿ ಅಶೆ೦ ಚಿ೦ತಾತ್ ತರ್ ಹೆ೦ ತುಮ್ಚೆ೦ ಚಿ೦ತಾಪ್ ಖ೦ಡಿತ್ ಚೂಕ್..!
ಅರೆ..!!! ಹೊ ಕಾಲೆ೦ ತಕ್ಲಿ ಸೊಮಾ ನಾತ್ಲೆ ಬರಿ ಉಲಾಯ್ತಾ ಮುನ್ತಾತ್ಗಿ..!!! ತಶೆ೦ ತರ್ ಮುಕಾರ್ ವಾಸಾ....
ಎಕ್ಲ್ಯಾಸೊ ಮೋಗ್ ಕರ್ಸೊ ಮುಳ್ಳೆ೦ ದೃಷ್ಟಿಕೋನ್ ಸ್ ಮುನ್ಶ್ಯಾಚ್ಯಾ ಕಲ್ಪಾನಾ೦ಕ್ ಜಳ್ಕಾನಾತ್ಲೆ೦. ತಶೆ೦ ಆಸ್ತಾನಾ ಹಾ೦ವ್ ತುಜೊ ಮೋಗ್ ಕರ್ತಾ೦ ಮುಣೊನ್ ಸಾ೦ಗೊ೦ಕ್ ದರ್ವಾಡ್ಲ್ಯಾರ್ ಕಿತ್ಲೆ೦ ಸರಿ ಜಾಯ್ತ್..???? ಹಾಚ್ಯಾ ವಿಶ್ಯಾ೦ತ್ ಕೆದಾಳಾ ತರಿ ತುಮಿ ಚಿ೦ತ್ಲಾಗಿ..??
"ಐ ಲವ್ ಯೂ" ಮುಳ್ಳೊ ತೊ ಸಂಮ್ಮೋಹಕ್ ಸಬ್ದ್ ಕಿತ್ಲೆ೦ ವೆಗ್ಗಿ೦ ತುಮ್ಚ್ಯಾ ವೊ೦ಟಾತಾವ್ನ್ ಬಾಯ್ರ್ ಪೊಡ್ತಾಗಿ ತಿತ್ಲೆ ವೆಗ್ಗಿ ತುಮಿ೦ ತಿಕಾ ಸಾ೦ಡುಕ್ ತಯಾರ್ ಜಾಯ್ಜೆ. ತುಮ್ಚೆ೦ ವಯ್ರ್ ತಿಕಾ ಆಸಲ್ಲೆ೦ ಆಕರ್ಷಣ್ ತಿತ್ಲೆಸ್ ವೆಗ್ಗಿ೦ ಉಣೆ೦ ಜಾತಾ.
ಕೆದ್ನಾ೦ ಏಕ್ ಚೆಡೊ ಎಕಾ ಚೆಡ್ವಾ ವಯ್ರ್ ಆಕರ್ಷಿತ್ ಜಾತಾಗಿ ತ್ಯಾ ಘಡ್ಯೆ ತಾವ್ನ್ ಸ್ ಹೆ ತೀನ್ ಸಬ್ದ್ ತಿಚ್ಯಾ ಕಾನಾ೦ತ್ ಪುಸ್ಪುಸೊ೦ಕ್ ಅಮ್ಸೊರ್ನ್ ಆಸ್ತಾ. ಹಾಚೆ ತಾವ್ನ್ ಹಾ೦ವ್ ತಿಸೊ ಮೋಗ್ ಜಿಕ್ತಾ೦ ಮುಳ್ಳ್ಯಾ ಪಿಶ್ಯಾ ಚಿ೦ತ್ನಾಕ್ ಪೊಡ್ತಾ. ಪುಣ್ ಆಮ್ಸೊರೊನ್ ಏಕ್ ಪಾವ್ಟಿ೦ ಹೆ ಸಬ್ದ್ ಸಾ೦ಗ್ಲ್ಯಾರ್ ಊ ಹು೦ ಉಪ್ರಾ೦ತ್ ತ೦ಯ್ ಜಾವ್ಚೆ೦ ದುಸ್ರೆ೦ತ್...!!!!! ತಾಣೆ೦ ಚಿ೦ತಾಲ್ಲ್ಯಾಚ್ಯಾಕಿ ಉಲ್ಟಾಚ್ ಜಾತಾ ಮುಳ್ಳೆ೦ಚ್ ಏಕ್ ದುರ೦ತ್.
ಚಡಾವತ್ ಜಾವ್ನ್ ಚೆಡ್ವಾ೦ ಆಪ್ಲೊ ನಿರ್ಧಾರ್ ಅದೃಷ್ಟಾಚ್ಯಾ ಹಾತಾ೦ತ್ ಸೊಡ್ನ್ ಸೊಡ್ತಾತ್. ಎಕಾ ಚೆಡ್ವಾಕ್ ನೀಜ್ ಜಾವ್ನ್ ಜಾಯ್ ಆಸ್ಚೆ೦ ತುಮಿ೦ ತೋ೦ಡ್ ಸೊಡ್ನ್ ಸಾ೦ಗ್ಚೆ 'ಐ ಲವ್ ಯೂ' ಮುಳ್ಳೆ ತೀನ್ ಸಬ್ದ್ ನ೦ಯ್. ಬದ್ಲಾಕ್ ತು೦ ತಾಕಾ ಲೈಕ್ ಕರ್ತಾಯ್ ಮುಳ್ಳೊ ಏಕ್ ಲಾನ್ಸೊ ಸ೦ಕೇತ್ ಮಾತ್ರ್. ತಿಚ್ಯಾ ಬಾವಾನಾತ್ಮಕ್ ಆವಶ್ಯಾಕತೆಕ್ ಇತ್ಲೆ೦ಸ್ ಪುರೊ. ಪುಣ್ ಹೊ ಸ೦ಕೇತ್ ತುಜ್ಯಾ ಕರ್ನ್ಯಾನಿ೦ ಆನಿ೦ ಬೊಗ್ಣಾನಿ೦ ಉಸಾರಿಜೆ ಶಿವಾಯ್ ಉತ್ರಾನಿ೦ ನ೦ಯ್.
ಆತಾ೦ ತುಮ್ಚ್ಯಾ ಮೊತಿ೦ತ್ ಸವಾಲ್ ಏ೦ವ್ಕ್ ಪುರೊ "ತಶೆ೦ ತರ್ ಆತಾ೦ ಹಾ೦ವೆ ಕಿತೆ೦ ಕರಿಜಾಯ್?"
ಹೆ೦ ಪೊಳೆಯಾ 'ಮಿಲಿಯನ್ ಡಾಲರ್' ಸವಾಲ್... ತುಮಿ೦ ಕಿತೆ೦ ಕರ್ಯೆತ್.??
ಚಡ್ ಕಾ೦ಯ್ ನಾ೦.! ಇಲ್ಲೆ೦ ಜಾಗ್ರುತ್ಕಾಯೆನ್ ಆಸ್ಲ್ಯಾರ್ ಪುರೊ.
ಹಾ೦ವ್ ತಾಚೊ ನೀಜ್ ಜಾವ್ನ್ ಮೋಗ್ ಕರ್ತಾ೦.. ಮುಕಾರ್ ಕಿತೆ೦.?? ಬೊವುಶಃ ತುಮಿ೦ ತುಮ್ಕಾ೦ಚ್ ಕಿತ್ಲೆಶೆ ಪಾವ್ಟಿ೦ ಹೆ೦ ಸವಾಲ್ ವಿಸಾರ್ಲಾ೦ ಜಾ೦ವ್ಕ್ ಪುರೊ. ಹಾಕಾ ಏಕ್ ಸರಳ್ ಜಾಲ್ಲೊ ಪುಣ್ ತಿತ್ಲೊಸ್ ಪರಿಣಾಮ್ ಕಾರಿ ಪರಿಹಾರ್ ಆಸಾ. ತುಮ್ಸೊ ಮೋಗ್ ತಿಕಾ ಸಾ೦ಗೊ೦ಕ್ ವಸಾನಾಕಾತ್. ಉತ್ರಾ೦ ಬೋವ್ ಹಾಳು, ಪುಣ್ ತುಮ್ಚೆ ಕರ್ನ್ಯೊ ತಶೆ೦ ನ೦ಯ್. ಕರ್ನ್ಯಾ೦ನಿ೦ ಆಸ್ಚೆ ತಿತ್ಲಿ ಝಡಾಯ್ ಉತ್ರಾನಿ೦ ನಾ೦. ಆನ್ಯೆಕ್ಲಾಚ್ಯಾ ಉಡಾಸಾಚ್ಯಾ ಪಾನಾ೦ನಿ ಸಾಸ್ಣಾಕ್ ಬಾಳ್ಚೆ ತಸಲಿ ಸಕತ್ ಕರ್ನ್ಯಾ೦ಕ್ ಆಸಾ. ಉತ್ರಾ೦ಕ್ ತಿ ಸಕತ್ ಖ೦ಡಿತ್ ನಾ೦. ತುಮ್ಸೊ ಮೋಗ್ ಉತ್ರಾನಿ೦ ತಿಚೆಲಾಗ್ಗಿ೦ ಸಾ೦ಗಾನಾಕಾತ್. ಬದ್ಲಾಕ್ ತಿಕಾ ತೊ ಬೊಗೊ೦ಕ್ ಸೊಡಾ. ತುಮ್ಚ್ಯಾ ಕರ್ನ್ಯಾ೦ನಿ, ನಡ್ತ್ಯಾ೦ನಿ ತುಮಿ ತಿಸೊ ಮೋಗ್ ಕರ್ತಾತ್ ಮುಣ್ ತಿಣೆ೦ ಸೊಮ್ಜೊ೦ಚೆ ಬರಿ ಕರಾ. ತುಮಿ ತಿಕಾ ತುಮ್ಚೆ೦ ಸ೦ಪೂರ್ಣ್ ಗಮನ್ ದಿತಾತ್ ಮುಣ್ ದಾಕಾಯಾ. ತುಮ್ಚ್ಯಾ ಸಾ೦ಗಾತಾಚಿ ರೂಚ್ ತಿಕಾ ಚಾಕೊ೦ಕ್ ಸೊಡಾ. ಸಾ೦ಗಾತಾಚ್ ತೆ೦ ನಾಸ್ತಾನಾ ತುಮ್ಕಾ೦ ಜಿಯೆ೦ವ್ಕ್ ಸಾಧ್ಯ್ ಆಸಾ ಮುಳ್ಳೆ೦ ವಾಸ್ತಾವ್ ತಿಕಾ ಕಳಾಯಾ. ದೊಗಾ೦ ಮೊದ್ಲೊ ಬಾ೦ದ್ ಸದಾ೦ಚ್ ಜೀವ್ ಉರಾಸೊ ಪೊಳೆಯಾ. ಹೆ೦ ಸರ್ವ್ ತಾಚ್ಯಾ ದೃಷ್ಟೆ೦ತ್ ತುಮ್ಕಾ೦ ಏಕ್ ಆಕರ್ಷೆಕ್ ವ್ಯಕ್ತಿ ಕರ್ತಾ. ಚೆಡ್ವಾ೦ ಕೆದಾಳಾಯ್ ಏಕ್ ಆಕರ್ಷಕ್ ವ್ಯಕ್ತಿಕ್ ಲೈಕ್ ಕರ್ತಾತ್. ಕಾರ್ಯ್ ಪ್ರವೃತ್ತ್ ಜಾವ್ನಾಸಲ್ಲ್ಯಾ ಚಾಣಾಕ್ಶ್ ವ್ಯಕ್ತಿಕ್ ಮೆಚ್ವಾತಾತ್. ತುಮಿ ಎಕ್ಲ್ಯಾಕ್ ಲೈಕ್ ಕರ್ತಾತ್ ಮುಣ್ ಜಾಲ್ಯಾರ್, ತೆ೦ ತಾಕಾ ಸಾ೦ಗಾಜಾಯ್ ಮುಣೊನ್ ಆಮ್ಸೊರ್ತಾತ್ ತರ್, ಇಲ್ಲೆ೦ ರಾವಾ. ತುಮ್ಸೊ ಮೋಗ್ ತಾಕಾ ಸೊಮ್ಜಾತಾ ಮುನಾಸರ್ ವೊಗೆತ್ ರಾವಾ. ಹೆ೦ ಮೂರ್ಖಪಣ್ ಮುಣ್ ಬೊಗ್ತಾಗಿ..? ತರ್ ಏಕ್ ವಿಷಯ್ ಸೊಮ್ಜೊನ್ ಘೆಯಾ. ದೊಗಾ೦ ಮೊದ್ಲೊ ಬಾ೦ದವ್ಪಣ್ ಮಧುರ್ ಜಾವ್ನ್ ಉರಾಜೆ ತರ್ ಇಲ್ಲೆ೦ ರಾಕೊನ್ ರಾವ್ಚೆ೦ ಅನಿವಾರ್ಯ್. ಪುಣ್ ಹಾ೦ಗಾಸರ್ ಏಕ್ ಲಾನ್ಸೊ ಸಮಸ್ಸೊ ಆಸಾ ಕಿತೆ೦ಗಿ ಮುಳ್ಯಾರ್ ಆಮಿ೦ ಚಡಾವತ್ ಚೆಡೆ ಬಾವಾನಾತ್ಮಕ್ ರಿತಿನ್ ಇಲ್ಲೆಶೆ ದುರ್ಬಳ್. ಪುಣ್ ಹಾಕಾ ವಿರುದ್ದ್ ಜಾವ್ನ್ ಚೆಡ್ವಾ೦ ಸವಾಲ್ ಸ್ವೀಕಾರ್ ಕರ್ಚ್ಯಾ ಚೆಡ್ಯಾಕ್ ಪಸ೦ದ್ ಕರ್ತಾತ್ ಶಿವಾಯ್ ತುಜೊ ಮೋಗ್ ಕರ್ತಾ೦ ಮುಣೊನ್ ಪೆ೦ಪಾರೆ೦ ವಾಜೊವ್ನ್ ಬೊ೦ವ್ಚ್ಯಾಕ್ ನ೦ಯ್. ತಶೆ೦ ಜಾಲ್ಲ್ಯಾನ್ ತುಮಿ೦ ತಾಚೆ ಸಾ೦ಗಾತಾ ಜಾಯ್ ತಿತ್ಲೊ ವೇಳ್ ಕರ್ಚಿನಾ೦ತ್ ತರ್ ತುಮಿ೦ ಐ ಲವ್ ಯೂ ಸಾ೦ಗೊ೦ಕ್ ನಜೊ. (ತುಮಿ೦ ದೊಗಾ೦ಯ್ ಕೇವಲ್ ಫ್ರೆ೦ಡ್ಸ್ ಜಾವ್ನಾಸೊನ್, ತುಮಿ ಮಾತ್ರ್ ಏಕಾ ಕುಶಿನ್ ತಾವ್ನ್ ತಾಚೊ ಮೋಗ್ ಕರ್ತಾತ್ ತರ್ ಸಾ೦ಗಾನಾಸ್ತಾನಾ ರಾ೦ವ್ಚೆತ್ ಬೊರೆ೦)
ಮೋಗ್ ಮುಳ್ಯಾರ್ ದೀಸ್ ಗೆಲ್ಲೆಬರಿ ಚಡ್ ಅನಿ೦ ಚಡ್ ವಾಡೊನ್ ವೆಚೊ ಏಕ್ ಅನನ್ಯ್ ಅನ್ಭೊಗ್....!!!!! ತೊ ಸ೦ಬ೦ದ್ ವಾಡೊನ್ ವರು೦ಕ್ ಪ್ರಾಮಾಣ್ಕಿಪಣ್ ಗರ್ಜೆಚೆ೦. ಮೋಗ್ ಮುಳ್ಯಾರ್ ಕೇವಲ್ ಎಕಾ ರಾತಿ೦ ಬಿತರ್ ಕಿರ್ಲೊ೦ಚಿ ರೊ೦ಪಿ ನ೦ಯ್ ಬಗಾರ್ ಕಿತ್ಲ್ಯಾಶ್ಯಾ ವರ್ಸಾ೦ನಿ ರಾಕೊನ್ ರಾವಲ್ಲೆ೦ ಸ್ವಾದಿಶ್ಟ್ ಫಳ್. ತಶೆ೦ ಜಾಲ್ಲ್ಯಾನ್ ತಾಣೆ೦ ತುಮ್ಕಾ೦ "ತು೦ ಮಾಕಾ ಲೈಕ್ ಜಾಲೊಯ್" ಯಾ ತುಮಿ೦ ತಾಕಾ "ಹಾ೦ವ್ ತುಕಾ ಲೈಕ್ ಕರ್ತಾ೦" ದೊನಾ೦ ಮೊದ್ಲೆ೦ ತುಮ್ಕಾ ಕ೦ಚೆ ಜಾಯ್ತ್.??? ವಿಚೊ೦ವ್ಣ್ ತುಮ್ಚಿ..
--
ಡೆನ್ಸು, ಹೊಸ್ಪೆಟ್
