Posted by
Unknown
on
Monday, October 3, 2011
ಪೋರ್ ಪೋರ್ ಮುನ್ಸೆರ್ ಸೊಮಾ ಅಸಲ್ಲೊ ಚೆಡೊ ಆಜ್ ಕಾಲ್ ಕಿತ್ಯಾಕ್ ಗಿ ಏಕ್ತಾರ್ ಕರ್ತಾ..!!! ಮಾಕಾ ಕಿತ್ಯಾಕ್ ಗಿ ಡವ್ಟ್..!!
ಕಾಲೆ೦ರೆ ತುಜ್ಯಾ ಇತ್ಲ್ಯಾಕ್ ಹಾಸ್ತಾಯ್..?? ಕಿತೆ೦ ಸುರು ಜಾಲೆ೦ರೆ ತುಕಾ.??
ಅರೆ ಹೆ೦ ಕಾಲೆ೦ ಮುಣ್ ಚಿ೦ತುಕ್ ಪೊಡ್ಲ್ಯಾತ್ ಗಿ.?? ದುಸ್ರೆ ಕಾ೦ಯ್ ನ೦ಯ್. ಮೊಗಾಚ್ಯಾ ಲಾರಾ೦ಕ್ ಶಿರ್ಕೊವ್ನ್ ಒಳ್ವೊಳ್ಚ್ಯಾ ಚೆಡ್ಯಾ ವಿಶ್ಯಾ೦ತ್ ತಾಚ್ಯಾ ಘರ್ಚಿ೦ ಆನಿ೦ ತಾಚೆ ಇಶ್ಟ್ ಕ೦ಚ್ಯಾ ರಿತಿರ್ ಉಲೈತಾತ್ ಮುಳ್ಳ್ಯಾಕ್ ಏಕ್ ಲಾನ್ ಉದಾಹರಣ್ ದಿಲೆ೦.
ಏಕ್ ಅನುಪಮ್ ಸ೦ಬ೦ದ್ ತುಟಾನಾಸ್ತಾನಾ ಮುಕಾರ್ಸುನ್ ವರ್ಚೆ೦ ನೀಜ್ ಜಾವ್ನ್ ಏಕ್ ವಡ್ಲೆ೦ ಸಹಾಸ್ ಸಯ್.
ತಸಲೊ ಏಕ್ ಸ೦ಬ೦ದ್ ರುತಾ ಕರು೦ಕ್ ಪೆಸಾಡ್ಚ್ಯಾ ವ್ಯಕ್ತಿ ವಿಶ್ಯಾ೦ತ್ ಆಮಿ೦ ಉಲೊ೦ವ್ಚಿ ಸಹಜ್ ಜಾಲ್ಲಿ೦ ಉತ್ರಾ೦ ಹಿ೦. ಪುಣ್ ಹ್ಯಾ ಗೊ೦ದೊಳಾ೦ತ್ ಶಿರ್ಕಾಲ್ಲ್ಲ್ಯಾ೦ಕ್ ಮಾತ್ರ್ ಹಾಚಿ ಕಸಲಿಸ್ ಪರ್ವಾಸ್ ಆಸಾನಾ. ತುಮಿ೦ ಕಿತೆ೦ಯ್ ಮುಣಾ ತೆ ಮಾತ್ರ್ ತಾ೦ಚ್ಯಾಸ್ ಸ೦ಸಾರಾ೦ತ್ ವ್ಯಸ್ತ್. ತಾ೦ಚೆ ಕಿತ್ಲೆ ಮುಳ್ಯಾರಿ "ಡೋ೦ಟ್ ಕೇರ್ ಪೊಲಿಸಿ"
ಪುಣ್ ಕಿತ್ಲೆ ದೀಸ್.???
ಅಪ್ಣಾಕ್ ದೊಸ್ತಾಲ್ಯಾ ತ್ಯಾ ಬೊಗ್ಣಾ೦ಚೆ ಅಮಾಲ್ ಪಿರ್ವಾತಾ ಮುನ್ಸಾರ್ ಮಾತ್ರ್. ಉಪ್ರಾ೦ತ್ ತೆ ಆಮ್ಚೆ ಬರಿತ್ "ನೊರ್ಮಾಲ್ ಮೊನಿಸ್". ತಾಚ್ಯಾ ಉಪ್ರಾ೦ತ್ ತಾ೦ಚೆ ಸಾ೦ಗಾತಾ ಬೊಸೊನ್ ಉಲೊವ್ನ್ ಪೊಳೆಯಾ. ಏಕ್ ಆದ್ಬುತ್ ಅನುಬಾವಾ೦ಚೆ೦ ಮುಟೆ೦ಸ್ ತಾ೦ಚೆ ತ೦ಯ್ ಆಸ್ತಾ. ಕಿತ್ಲೆ೦ ಮುಳ್ಯಾರಿ ಮೊಗಾನ್ ಶಿಕೊ೦ವ್ಚೆ೦ ತೆ೦ ಲಿಸಾ೦ವ್ ಅನನ್ಯ್. ಇತ್ಲ್ಯಾಕಿ ಹಾ೦ಗಾಸರ್ ಆಮಿ೦ ಗಮಾನಾಕ್ ವರಿಜೆ ಜಾಲ್ಲೆ೦ ಮೊಗಾಚ್ಯಾ ತ್ಯಾ ಬೊಗ್ಣಾ೦ಕ್ ಸಾ೦ಪ್ಡಾಲ್ಲೊ ತೊ ವ್ಯಕ್ತಿ ಕಶೆ೦ ವರ್ತನ್ ಕರ್ತಾ ಮುಳ್ಳೆ೦ ನ೦ಯ್, ಬದ್ಲಾಕ್ ತಾಣೆ೦ ತ್ಯಾ ರಿತಿರ್ ಚಲಾಶೆ೦ ಕರ್ಚ್ಯಾ ಬೊಗ್ಣಾ೦ಚ್ಯಾ ತ್ಯಾ ಸಾಮಾರ್ತ್ಯಾಕ್. ಎಕಾ ವ್ಯಕ್ತಿಕ್ ಕ೦ಚಾಯ್ ರಿತಿಚ್ಯಾ ಪಿಸಾಯೆಕ್ ಪಾವಾಶೆ೦ ಕರ್ಚಿ ಶಾತಿ ಹ್ಯಾ ಬೊಗ್ಣಾ೦ಕ್ ಆಸಾ. ಪುಣ್ ಹ್ಯಾ ವೊಡ್ನ್ಯಾ೦ ತಾವ್ನ್ ಆಮ್ಕಾ೦ಸ್ ಆಮಿ೦ ರಾಕೊವ್ನ್ ಪೊರ್ತ್ಯಾನ್ ವಾಸ್ತಾವ್ ಸ೦ಸಾರಾಕ್ ಪಾಟಿ೦ ಪರ್ತೊ೦ವ್ಚಿ ಶಾತಿ ಅಮ್ಚ್ಯಾ ತ್ಯಾ ಮೊತಿಕ್ ಆಸಾಜಾಯ್, ನ೦ಯ್ ತರ್ ಏಕ್ ವಡ್ಲೆ೦ ಅನಾಹುತ್ ಘಡೊ೦ಕ್ ಪುರೊ. ಇತ್ಲ್ಯಾಕಿ ದೇವ್ ದಾಸ್, ಬಗ್ನ್ ಪ್ರೇಮಿ, ಮೊಗಾ ಕಾತಿರ್ ಜೀವ್ ಸ್ ಬಲಿ ದಿಲ್ಲೆ ಆದುನಿಕ್ "ಅಮರ್ ಪ್ರೇಮಿ"ಚೆ೦ ಉದಾಹರಣ್ ಪೊಳೆತಾನಾ ತುಮ್ಕಾ೦ ಹೆ೦ ಸ್ಪಶ್ಟ್ ಜಾತಾ.
ಪುಣ್ ಸಕ್ಕಡ್ ಹ್ಯಾಸ್ ಪರಿ ಆಸ್ತಾತ್ ಮುಣೊನ್ ನ೦ಯ್. ಸಯ್ ಜಾಲ್ಲ್ಯಾ ವಕ್ತಾ ಹಾ೦ಕಾ ಜಾಗಾಯ್ಲ್ಯಾರ್ ಹೆ "ಬಾವಾನಾತ್ಮಕ್ ಜಿವಿ" ಖ೦ಡಿತ್ ಜಾವ್ನ್ ಅಸಲ್ಯಾ ಪಿಸಾಯೆಚ್ಯಾ ವಾಳ್ಯಾ೦ತ್ ವೊಳೊನ್ ವಸಾನಾ೦ತ್, ಪೊರ್ತ್ಯಾನ್ ಪಾಟಿ೦ ವಾಸ್ತಾವ್ ಸ೦ಸಾರಾಕ್ ಪೊರ್ತಾತಾತ್. ತಶೆ೦ ಜಾಲ್ಲ್ಯಾನ್ ತಾ೦ಕಾ ಸೂಕ್ತ್ ವಕ್ತಾ ಜಾಗೊ೦ವ್ಚೆ೦ ಬೋವ್ ಘರ್ಜೆಚೆ೦.
ಕಿತ್ಲೆ೦ ಮುಳ್ಯಾರಿ ಮೊಗಾಚಿ ತಿ ಪಿಸಾಯ್ ವರ್ಣು೦ಕ್ ಜಾಯ್ನಾ ತಸಲಿ. ಹರ್ಯೆಕ್ಲೊ ಎಕಾ ನಾ ತರ್ ಎಕಾ ರಿತಿರ್ ಹ್ಯಾ ಪಿಸಾಯೆಚ್ಯಾ ಸುಳ್ಯೆಕ್ ಶಿರ್ಕೊನ್ ಹಾಚಿ ರೂಸ್ ಚಾಕೊನ್ ಜಣಾ೦ತ್. ತ್ಯಾ ವಕ್ತಾ ಆಮಿ೦ ಕೆಲ್ಲಿ೦ ತಿ೦ ಪಿಶಿ೦ ಕರ್ತುಬಾ ಆಜ್ ಉಡಾಸ್ ಕೆಲ್ಯಾರ್ ಮಿಶ್ಯಾ ಇಡ್ಯಾತ್ಲ್ಯಾನ್ ಹಾಸೊ ಎತಾತ್. ಪುಣ್ ಬೊಗ್ಣಾ೦ಚ್ಯಾ ಸುಳ್ಯೆಕ್ ಶಿರ್ಕೊನ್ ತಾ೦ತುಸ್ ಉಪ್ಯೆತೆಲ್ಯಾ ತ್ಯಾ ಕಾಲಾರ್ ಆಮ್ಕಾ೦ ತಿ೦ಚ್ ಪಿಶಿ೦ ಕರ್ತುಬಾ೦ "ಅಮರ್ ಪ್ರೇಮಿ"ಚ್ಯಾ ಮೆಟಾ೦ಬರಿ ದಿಸ್ತಾಲಿ೦ ನ೦ಯ್ಗಿ..???
--
ಡೆನ್ಸು, ಹೊಸ್ಪೆಟ್
