ಜುಳು ಜುಳು ವಾಳ್ಚ್ಯಾ ಝರಿ೦ತ್
ದೆಕೊ೦ಕ್ ಸಕಾನಾತಲ್ಲೆ೦ ನರ್ತನ್
ಸೊಬಿತ್ ಸು೦ದರ್ ಪ್ರಕೃತೆ೦ತ್
ವಿಕೋಪಾಚೆ೦ ದರ್ಶೆನ್
ತ೦ಡಾಯೆನ್ ವಾಳ್ಚ್ಯಾ ವಾರ್ಯಾ೦ತ್
ಆಸ್ಲೆ೦ ಕೇವಲ್ ಎಕ್ಸುರ್ಪಾಣಾಚೆ೦ ಆಲಿ೦ಗನ್
ಸಗ್ಳೆ೦ ಆಸ್ಲ್ಯಾರಿ ಕಿತೆ೦ಸ್ ನಾತಲ್ಲೆ೦ ಬೊಗಾಪ್
ತುಜ್ಯಾಸ್ ಉಡಾಸಾನ್ ಜಿಯೆ೦ವ್ಚೆ ಎಕ್ಸುರೆ೦ ಹೆ೦ ಜೀವನ್...!!!!
ಪಿರಿ ಪಿರಿ ಪಾವ್ಸಾಚ್ಯಾ ಉದ್ಕಾ ಥೆ೦ಬ್ಯಾನಿ೦
ಸಾ೦ಗೊ೦ಕ್ ಸಕಾನಾತಲ್ಲೆ೦ ಮೌನ್
ಸ೦ಗೀತಾಚ್ಯಾ ಮಧುರ್ ಸ್ವರಾನಿ೦
ಆಯ್ಕೊ೦ಕ್ ಸಕಾನಾತಲ್ಲೆ೦ ಗಾಯನ್
ಕಾಳ್ಜ೦ತ್ ಜಾತಾ ಕಿತೆ೦ಗಿ ಕ೦ಪನ್
ತರಿ ಸಾ೦ಗೊ೦ಕ್ ಸಕಾನಾತಲ್ಲೆ೦ ಸ್ಪ೦ದನ್..!!!
ಸಗ್ಳೆ೦ ಆಸ್ಲ್ಯಾರಿ ಕಿತೆ೦ಸ್ ನಾತಲ್ಲೆ೦ ಬೊಗಾಪ್
ತುಜ್ಯಾಸ್ ಉಡಾಸಾನ್ ಜಿಯೆ೦ವ್ಚೆ ಎಕ್ಸುರೆ೦ ಹೆ೦ ಜೀವನ್...!!!!
--
ಡೆನ್ಸು, ಹೊಸ್ಪೆಟ್
