ವೇಳ್ ಉತ್ರಾಲ್ಲೊ

ವೇಳ್ ಉತ್ರಾಲ್ಲೊ

ಮೆಟ್ರೊರ್ ಹಾ೦ವ್ ಕರ್ತಾನಾ ಪಯ್ಣ್,
ಸದ್ದಾ೦ ಬೊಸ್ತಲೆ೦ ತೆ೦ ಮುಜ್ಯಾ ಕುಶಿನ್,
ಜಾತಾಲೊ ದೊಗಾಯ್ಸೊ ವೇಳ್ ಪಾಶಾರ್,
ಉಲೊವ್ನ್, ಹಾಸೊನ್, ಕೆಳೊನ್

ಪಿಸ್ವಾಲೊ೦ ಹಾ೦ವ್ ತಾಚ್ಯಾ ತ್ಯಾ ನಿಳ್ಶ್ಯಾ ದೊಳ್ಯಾ೦ಕ್,
ಬುಲ್ಲೊ೦ ಹಾ೦ವ್ ತಾಚ್ಯಾ ಆ೦ಜಾಸಾರ್ಕ್ಯಾ ಸೊಬಾಯೆಕ್
ಮೆಸ್ವಾಲೊ೦ ಹಾ೦ವ್ ತಾಚ್ಯಾ ತ್ಯಾ ಮೊಗಾಳ್ ಉಲೊವ್ಣ್ಯಾಕ್,
ಮಾನ್ವಲೊ೦ ಹಾ೦ವ್ ತಾಚ್ಯಾ ಗುಣಾ ಶೆಗುಣಾ೦ಕ್,

ಉದೆಲೊ ಮೋಗ್ ಮುಜ್ಯಾ ಕಾಳ್ಜಾ೦ತ್,
ಸಾ೦ಗ್ಯಾ ತಾಕಾ ಮುಳ್ಯಾರ್ ಕಿತೆ೦ಗಿ ಭೆ೦ ಮುಜ್ಯಾ ಮೊನಾ೦ತ್
ಜರ್ ತಾಣೆ೦ ನಾಕಾ ಮುಳ್ಯಾರ್ ಜಾಯ್ತ್ ಮಾಕಾ ಬೆಜ಼ಾರ್
ಸದಾ೦ಯ್ ಚಿ೦ತಾಲೊ ಆಜ್ ನಾಕಾ ಫಾಲ್ಯಾ, ಕಿತ್ಯಾಕ್ ಕರ್ಸೊ ಆಮ್ಸೊರ್

ಅಶೆಸ್ ಮುಜೆ ದೀಸ್ ಪಾಶಾರ್ ಜಾಲೆ
ಮೊಯ್ನೊ ಸರೊನ್ ವರಸ್ ಉತಾರ್ಲೆ೦,
ತರಿಪುಣ್ ಮೊಗ್ ತೊ ಮುಜ್ಯಾ ಕಾಳ್ಜಾ೦ತ್ಲೊ
ತಾಕಾ ಕಳಾನಾಸ್ತಾನಾ ಮುಜೆ೦ ಥ೦ಯ್ಸ್ ಉರ್ಲೊ

ಅನಿ ಏಕ್ ದೀಸ್ ಕೆಲೊ ಹಾ೦ವೆ ಗಟ್ಟ್ ನಿಚೆವ್
ಫಾಲ್ಯಾ ತಾಕಾ ಕಳಾಯ್ತಾಲೊ ಹಾ೦ವ್
ಕಿತ್ಲೊ ಹಾ೦ವ್ ಕರ್ತಾ ತಾಸೊ ಮೋಗ್
ಜಾತಾಲೊ೦ ತಾಚೆಲಾಗಿ೦ ಕಾಜಾರ್

ದುಸ್ರ್ಯಾ ದೀಸ್ ಬೊಸುಲ್ಲೊ೦ ತಾಚಿಸ್ ವಾಟ್ ಪೊಳೆವ್ನ್
ಆಯ್ಲೆ೦ ತೆ೦ ಅಮ್ರುಕ್ಯೊ ಹಾಸೊನ್
ಮುಣಾಲಾಗ್ಲೆ೦ ಇನ್ವಿಟೇಶನ್ ಮಾಕಾ ದೀವ್ನ್
ಯೇಜಾಯ್ ತುವೆ೦ ಮುಜ್ಯಾ ಕಾಜಾರಾಕ್

ಉತ್ರಾ ತಾಚಿ ಆಯ್ಕೊನ್ ಜಗ್ಲಾನೆ ಗಡ್ಗಡೊ ಮಾಕಾ ಮಾರಲ್ಲೊ
ತೊಪ್ಲೊ ಕಾಳ್ಜಾಕ್ ಮುಜ್ಯಾ ಬಾಲೊ ದುಕಾನಿ೦ ತೊ ಬರ್ಲೊಲೊ
ಫಾಲ್ಯಾ ಫಾಲ್ಯಾ ಮುಣೊನ್ ವೇಳ್ ತೊ ಆಜ್ ಉತ್ರೊನ್ ಗೆಲ್ಲೊ
ಕಾಳ್ಜಾ೦ತ್ಲಿ ಬೊಗ್ಣಾ ಉಸಾರು೦ಕ್ ಗಳಾಯ್ ಕರಿನಜೊ ಮುಳ್ಳೆ ಲಿಸಾ೦ವ್ ಹಾ೦ವ್ ಶಿಕಲ್ಲೊ

--
ಡೆನ್ಸು, ಹೊಸ್ಪೆಟ್