76 ವರ್ಸಾ೦ಚಿ ಏಕ್ ಸೊಬಿತ್ ತರ್ನಾಟಿ "CLEARVIEW ADDICTIONS CLINIC" ಬಿತರ್ ಅಪ್ಣಾಕ್ ಜಾಯ್ ಅಸ್ಚ್ಯಾ ADDICTION CENTER ಸೊದುನ್ ಆಸಲ್ಲಿ. ಸೊದುನ್ ಸೊದುನ್ ಮುಕಾರ್ ವೆತಾನಾ ತಿಕಾ ದಿಸ್ಲೆ೦ "Heroin Addiction Department (HAD)," "Smoking Addiction Department (SAD)" ಆನಿ೦ "Bingo Addiction Department (BAD)." ಮಾಗಿರ್ ಇಲ್ಲೆ೦ ಮುಕಾರ್ ತಿಕಾ ದಿಸ್ಲೆ೦ ಅಪ್ಣಾಕ್ ಜಾಯ್ ಅಸ್ಚೆ ತೆ೦ Department : "Facebook Addiction Department (FAD)."
ಸಗ್ಳ್ಯಾ ಕ್ಲಿನಿಕಾ೦ತ್ ತೆ೦ Department ಮಾತ್ರ್ ಲೊಕಾಚ್ಯಾ ಕೆಟಿ೦ತ್ ಬೊರೊನ್ ಒಮ್ತಾತಾಲೆ೦. ವಡ್ಲಿಮಾ೦ಯ್ನ್ ಫೊರ್ಮ್ ಬರ್ನ್ ವೆಯ್ಟಿ೦ಗ್ ರೂಮಾ೦ತ್ ರಿಗ್ತಾನಾ ತ೦ಯ್ ಆಸಲ್ಲೆ ಸಗ್ಳೆ Blackberri ಆನಿ೦ iPhone ತೀಳ್ನ್ ಆಸಲ್ಲೆ. ತೆದ್ನಾ ಏಕ್ ಸುಮಾರ್ ತೀಸ್ ವರ್ಸಾ೦ಸೊ ತರ್ನಾಟೊ "ಮುಜ್ಯಾ ಗಾಯ್ಚೆ ದೂದ್ ಕಾಡು೦ಕ್ ಆಸಾ, ಗಾಯ್ಚೆ ದೂದ್ ಕಾಡು೦ಕ್ ಆಸಾ" ಮುಣ್ ಬಿತರ್ ಯೇವ್ನ್ ಬಸ್ಲೊ.
ವೀಸ್ ವರ್ಸಾ೦ಸೊ ಎಕ್ಲೊ ತರ್ನಾಟೊ ತೊ೦ಡಾಕ್ ಹಾತ್ ದರ್ನ್ ಹುಸ್ಕಾರ್ನ್ ಹುಸ್ಕಾರ್ನ್ ರಡೊನ್ ಆಸಲ್ಲೊ. ತಾಚ್ಯಾ ಕುಶಿನ್ ಬಸಲ್ಲೆ೦ ಚೆಡು ತಾಕಾ ಬುಜಾ೦ವ್ಚ್ಯಾರ್ ಪಡಲ್ಲೆ೦. "ರಡಾನಾಕಾ, ಸಗ್ಳೆ೦ ಸಮಾ ಜಾತಾ"
"ಮಾಕಾ ಆನಿಕಿ ಸೊಮ್ಜಾನಾ ಕಿತ್ಯಾಕ್ ಅಶೆ೦ ಜಾಲೆ೦..??? ಹಾ೦ವೆ ಮುಜೆ೦ STATUS UPDATE ಎಕ್ದಮ್ ಫಸ್ಟ್ ಕ್ಲಾಸ್ ಮುಣ್ ಚಿ೦ತಲ್ಲೆ. ಪುಣ್ ಎಕಾ ನರ್ ಮೊನ್ಶ್ಯಾನಿ೦ LIKE ಬಟನ್ ಕ್ಲಿಕ್ ಕರುನಾ"
"ಕಿತ್ಲೊ ವೇಳ್ ಜಾಲೊ ತುವೆ೦ UPDATE ಕರ್ನ್..??"
"5 ಮಿನುಟಾ ಜಾತಿತ್. ಪುಣ್ ನೀಜ್ ಸ೦ಸಾರಾ೦ತ್ 5 ಮಯ್ನಾ ಬರಾಬರ್"
ತಿತ್ಲ್ಯಾರ್ ವಡ್ಲಿಮಾ೦ಯ್ಚೆ ನ೦ಬರ್ ಆಯ್ಲೆ೦. Receptionist ಪಾಟ್ಲ್ಯಾನ್ ವಡ್ಲಿಮಾ೦ಯ್ Alfred Zulu, Facebook Addiction Counselor ಒಫಿಸಾ ಬಿತರ್ ರಿಗ್ಲಿ.
"ಯೆ ಬಸ್ ಕಾತ್ರಿನ್ ಬಾಯೆ." ತಾಣೆ೦ ಮುಳೆ೦ "ಆತಾ೦ ಸಾ೦ಗ್ ಹೆ೦ ಕಶೆ ಸುರು ಜಾಲೆ೦..???"
"ಹಾಕಾ ಪೂರಾ ಕಾರಾಣ್ ಮುಜೊ ನಾಪಾಸ್ ನಾತು. ಏಕ್ ದೀಸ್ ತಾಣೆ೦ ಮಾಕಾ ಇನ್ವಿಟೇಶನ್ ದಾಡ್ಲೆ೦. ಫೇಸ್ ಬುಕ್ ಸೆರ್ವೊ೦ಕ್. ತೆದಾಳಾ ಮುನ್ಸಾರ್ ಹಾ೦ವೆ ಫೇಸ್ ಬುಕ್ ಮುಳ್ಯಾರ್ ಆಯ್ಕೊ೦ಕ್ ನಾತ್ಲೆ೦. ಹಾ೦ವೆ ಚಿ೦ತ್ಲೆ ಮಾಕಾ ಹೆ೦ ಉಪ್ಕಾರಾಕ್ ಪಡಾತ್ ಕಿತ್ಯಾಕ್ ಹಾ೦ವ್ ಕೆದಾಳಾಯ್ ಬುಕ್ ವಾಸ್ತಾಲಿ೦."
"ಕಿತ್ಲೆ ವೆಗ್ಗಿ ತು೦ ADDICT ಜಾಲಿಯ್..??"
"CREATE A PROFILE ತಾಚ್ಯಾಕಿ ವೆಗ್ಗಿ ಮುನ್ಯೆತ್. ಆತಾ೦ ಹಾ೦ವ್ ದಿಸಾಕ್ ಉಣೆ೦ ಮುಳ್ಯಾರ್ 15 ಪಾವ್ಟಿ ಫೇಸ್ ಬುಕ್ ಪೊಳೆತಾ. ಸಡಾವತ್ ಜಾವ್ನ್ ರಾತಿಚೆ೦. ತೊಡೆ ಪಾವ್ಟಿ ಮೊದ್ಯಾನ್ ರಾತಿರ್ ಉಟೊನ್ ಲೊಗಿನ್ ಕರ್ತಾ, ಮುಜ್ಯಾ ಅಮೆರಿಕಾ ಆಸಲ್ಲ್ಯಾ ಇಸ್ಟಾಚೆ೦ ಅಪ್ ಡೇಟ್ ಆಸಾಗಿ ಪೊಳೆವ್ಕ್. ಮುಜ್ಯಾ ಗೊವಾಕ್ ಹೆ೦ ಸಗ್ಳೆ೦ ಪಸ೦ದ್ ನಾ."
"ಫೇಸ್ ಬುಕಾ೦ತ್ ತುಕಾ ಕಾಲೆ೦ ಮೊಸ್ತ್ ಬೊರೆ೦ ಲಾಗ್ತಾ..??"
"ಫೇಸ್ ಬುಕಾ೦ತ್ ಮಾಕಾ ಅಶೆ೦ ಜಾತಾಗಿ, ಮುಜೆ೦ ಜೀವಿತ್ ಬೋವ್ ಸು೦ದರ್. ನೀಜ್ ಸ೦ಸಾರಾ೦ತ್ ಮಾಕಾ ಕಾಲಿ 4 ಯಾ 5 ಈಸ್ಟ್ ಮಾತ್ರ್ ಆಸಾತ್. ಪುಣ್ ಫೇಸ್ ಬುಕಾ೦ತ್ ಮಾಕಾ 763 ಆಸಾತ್. Juan Carlos Montoya ಮುಜೊ ಫ್ರೆ೦ಡ್ ಗೊತ್ತಾಯೆ.???"
"ಕೋಣ್ ತೊ..??"
"ಮಾಕಾ ಗೊತ್ತುನಾ. ತಾಕಾ 5555 ಫ್ರೆ೦ಡ್ ಆಸಾತ್. ತಶೆ೦ ತೊ ಫೇಮಸ್ ವ್ಯಕ್ತಿ ಜಾಯ್ಜಾಯ್.."
"ಹೊ. ತರ್ ಫೇಸ್ ಬುಕ್ ತುಕಾ ತೊಡೆ ಫ್ರ್೦ಡ್ ಕರು೦ಕ್ ಉಪ್ಕಾರಾಕ್ ಪೊಡ್ಲೆ೦"
"ಹಾ೦. ಮುಜಿ೦ ತೊಡಿ ಫ್ರೆ೦ಡಾ high school ಶಿಕ್ತಾತ್. ತಾ೦ಚೆ ಪ್ರೊಫಾಯ್ಲ್ ಪೊಳೆ೦ವ್ಕ್ ಬಾರಿ ಬೊರೆ೦ ಆಸ್ತಾ. ಕೋಣ್ ಕಾಮ್ ಕರ್ತಾ, ಕೋಣ್ ಗರಾ ಬಸ್ಲ್ಯಾ೦ತ್, ಕೊಣೆ ಕಾಮ್ ಸೊಡ್ಲಾ ಹೆ೦ ಪೂರಾ ಕಳ್ತಾ. ಹಾ೦ವ್ ತಾ೦ಚೆ ಫೊಟೆ ಪೊಳೆತಾ. ತಿ೦ ಕ೦ಯ್ ಪೂರಾ ಬೊ೦ವ್ತಾತ್ ಮುಣ್ ಮಾಕಾ ಗೊತ್ತಾಸಾ. ಹಾ೦ವ್ ತೊಡೆ ಗೇಮ್ಸಿ ಕೆಳ್ತಾ"
"FARMVILLE RIGHT..????"
"ನಾ೦. MAFIA WARS. ಹಾ೦ವ್ HITMAN. ಕಾತ್ರಿನಾ ಸಾ೦ಗಾತಾ ಜಗ್ಡೊ೦ಕ್ ಹರ್ದೆ ಆಸಲ್ಲೊ ಪೂತ್ ಯೆದ್ಡೊಳ್ ಜಲ್ಮೊವ್ನಾ"
"ತರ್ ತು೦ ತುಜ್ಯಾ ಫ್ರೆ೦ಡ್ಸಾಕ್ ಮೆಳೊನಾಯೆ..??"
"ನಾ೦. ಫೇಸ್ ಬುಕಾರ್ ಮೆಳ್ಚೆ೦ ಬಾರಿ ಸುಲಬ್. ಮೇಕ್ ಅಪ್ ಕರಿಜೆ ಮುಣ್ ನಾ. ನಾಯ್ಜೆ ಮುನ್ ನಾ. ಪರ್ಫೂಮ್ ಗಾಲಿಜೆ ಮುಣ್ ನಾ೦. MOUTHWASH ಯೂಸ್ ಕರಿಜೆ ಮುಣ್ ನಾ೦. ತೆ೦ ಏಕ್ ಬಾರಿ ಬರೆ೦ ಫೇಸ್ ಬುಕಾರ್ ಮೆಳ್ಚೆ. ತು೦ ಕೊಣಾಯ್ಕಿ ವಾಸ್ ಯೆತಾಯ್ ಮುಳ್ಳಿ ಕ೦ತ್ ನಾ. ಸಗ್ಳಿ೦ ಕಿತ್ಲಿ೦ ಸೊಬಿತ್ ದಿಸ್ತಾತ್. ಸಗ್ಳ್ಯಾನಿ೦ ಬರೊ ಪ್ರೊಫಾಯ್ಲ್ ಫೊಟೊ ಗಾಲಾ."
"ತು೦ವೆ ಕ೦ಚೊ ಫೊಟೊ ಗಾಲಾಯ್..???"
"ಕಿತೆ೦ ಸಾ೦ಗ್ಚೆ ಮುಜೆ ಕಸ್ಟ್. ಹಾ೦ವೆ೦ ಗೂಗಲಾರ್ ಕಿತ್ಲೆ೦ ಸೊದ್ಲ್ಯಾರಿ ಮಾಕಾ ಪಸ೦ದ್ ಜಾಲ್ಲೊ ಫೊಟೊ ಮೆಳೊವ್ನಾ. ಕಡೆಕ್ ಹಾ೦ವೆ BEAUTY PARLARಕ್ ವೆಚೊ ನಿರ್ದಾರ್ ಕೆಲೊ."
"ಹೊ..!!! ತುಕಾ ಮೇಕ್ ಅಪ್ ಕರ್ನ್ ಸೊಬಿತ್ ದಿಸೊ೦ಕ್..??"
"ನ೦ಯ್. ಪಿಶೆ೦ ಲಾಗ್ಲಾಯೆ೦..?? ತ೦ಯ್ ಯೆ೦ವ್ಚ್ಯಾ ಎಕಾ ಸೊಬಿತ್ ಚೆಡ್ವಾಸೊ ಫೊಟೊ ಕಾಡು೦ಕ್. ತೊಚ್ ಹಾ೦ವೆ ಗಾಲಾ"
"ತುಜ್ಯಾ ಫ್ರೆ೦ಡ್ಸಾನಿ ಇಸಾರುನಾಯೆ ತು೦ ದುಸ್ರೆ೦ತ್ ದಿಸ್ತಾಯ್ ಮುಣ್..??"
"ತೊಡ್ಯಾ೦ಕ್ ಕಳೊವ್ನಾ. ತೊಡ್ಯಾನಿ೦ ಇಸಾರ್ಲೆ ತಾ೦ಕಾ ಹಾ೦ವೆ ಮುಳೆ೦ ಹಾ೦ವ್ ಯೋಗಾ ಕರ್ತಾ೦ ಮುಣ್"
"ತಶೆ೦ ಜಾಲ್ಯಾರ್ ತುಕಾ ಫೇಸ್ ಬುಕ್ ಪ್ರೊಬ್ಲೆಮ್ ಮುನ್ ಕೆದಾಳಾ ಕಳ್ಳೆ೦..???"
"ಗೆಲ್ಯಾತಾ ಆಯ್ತಾರಾ ರಾತಿ೦, ಹಾ೦ವ್ ಫೇಸ್ ಬುಕಾರ್ ಆಸ್ತಾನಾ ಮುಜ್ಯಾ ವಾಲಾರ್ ಮುಜ್ಯಾ ಗೊವಾಚಿ ಮೆಸೇಜ್ ಪೊಳೆಯ್ಲಿ "ಹಾ೦ವೆ ಗರ್ ಸೊಡ್ನ್ ಪಾ೦ಚ್ ದೀಸ್ ಜಾಲೆ. ತುಕಾ ಕಳೊ೦ದಿ ಮುಣ್ ಸಾ೦ಗ್ಲೆ"
"ತರ್ ತು೦ವೆ ಕಾಲೆ ಕೆಲೆ೦ಯ್..????"
"ಆನಿ೦ ಕಾಲೆ೦ ಕರ್ಚೆ..??? ತಾಕಾ ಮುಜ್ಯಾ ಫ್ರೆ೦ಡ್ ಲಿಸ್ಟ್ ತಾವ್ನ್ ಕಾಡ್ನ್ ಸೊಡ್ಲೊ..!!!!!"
--
ಡೆನ್ಸು, ಹೊಸ್ಪೆಟ್
