ತ್ಯಾ ದುಖ್ ಮುಳ್ಳ್ಯಾ ಕಾಳೊಕಾ೦ತ್
ಸುಖ್ ಜಾವ್ನ್ ಪರ್ಜಳ್ಚೆ೦ ನೆಕೆತ್ರ್ ತು೦.
ಆವಾಜ್ ನಾಸ್ತಾ೦ ದಾ೦ವ್ಚ್ಯಾ ಮುಜ್ಯಾ ಮೊನಾ೦ತ್
ಸೊಬಿತ್ ದವೆ೦ ಮೋಡ್ ಜಾವ್ನಾಸಾಯ್ ತು೦.
ಮೊಗಾಚ್ಯಾ ಉಜ್ವಾಡಾಚಿ ಬುಕ್ ಥಾ೦ಬೊವ್ಕ್
ಉದೆಲ್ಲೊ ಪುನ್ವೆಸೊ ಚ೦ದ್ರೆಮ್ ತು೦.
ಮೊನಾ೦ತ್ಲಿ ಉತ್ರಾ೦ ಸೊಮ್ಜುನ್ ಗೆ೦ವ್ಚೆ
ಗೂ೦ಡ್ ಕಾಳಿಜ್ ಆಸಲ್ಲೊ ದರ್ಯೊ ತು೦.
ಮೊಗಾಚಿ ವಾತ್ ಆಪ್ಲ್ಯಾ ಹರ್ದ್ಯಾ೦ತ್ ಲಿಪೊವ್ನ್
ಮುಜ್ಯಾ ಜಿವಿತಾಕ್ ಉಜ್ವಾಡ್ ಫಾಕೊ೦ವ್ಸೊ ಸುರ್ಯೊ ತು೦.
ನಿಳ್ಸೊ ನಿಶ್ಕಳ೦ಕ್ ಮೋಗ್ ಬರಲ್ಲೊ
ವಿಶಾಲ್ ಮೊನಾಸೊ ಆಕಾಸ್ ತು೦.
ಮುಜ್ಯಾ ಕುಡಿ೦ತ್ಲ್ಯಾ ಹರ್ಯೆಕಾ ಕಣಾ ಕಣಾನಿ೦
ಬರ್ಸೊನ್ ಅಸಾಯ್ಗೊ ತು೦.
--
ಡೆನ್ಸು, ಹೊಸ್ಪೆಟ್
