"ಮೋಗ್" "LOVE" "प्यार" ಏಕ್ ಸುಮಧುರ್ ಅನ್ಬೋಗ್. ತೊ ಬೊಗಲ್ಲ್ಯಾ೦ಕ್ ಮಾತ್ರ್ ತಾಚೊ ಅನ್ಬೋಗ್ ಗೊತ್ತು. ಕೊಣಾಚೆ೦ಚ್ ಹ೦ಗ್ ನಾಸ್ತಾನಾ ಸೊಬಿತ್ ನಿಳ್ಶ್ಯಾ ಅಕಾಸಾರ್ ಉಬ್ಚ್ಯಾ ದೊವ್ಯಾ ಪಾರ್ವ್ಯಾಬರಿ ಮೋಗ್ ನಿತಳ್, ನಿಶ್ಕಳ೦ಕ್. ಮೋಗ್ ದೊವೊ ವರ್ಣ್, ಮೋಗ್ ಕರ್ಚ್ಯಾ ಕಾಳ್ಜಾ೦ಕ್ ಕಸಲ್ಲೊಚ್ ನಿರ್ಬ೦ದ್ ನಾ. ಮೋಗ್ ಕುರ್ಡೊ..!!! ತೊ ಕ೦ಯ್, ಕೊಣಾ ವಯ್ರ್, ಕಸೊ ಆನಿ೦ ಕೆದಾಳಾ ಉಬ್ಜಾತಾ ಮುಣ್ ಕೊಣಾಕಸ್ ನಿರ್ದಿಶ್ಟ್ ಸಾ೦ಗುಕ್ ಜಾಯ್ನಾ. ದೆಕುನ೦ಚ್ ತಾಕಾ "ಲವ್ ಅಟ್ ಫಸ್ಟ್ ಸಯ್ಟ್" ಮುನ್ಚೆ೦. ನೀಜ್ ಮೋಗಾಕ್ ಕೆದಾಳಾಯ್ ಕ೦ಚೆಸ್ ಕಾರಣ್ ನಾಸ್ತಾನಾ ಅಸಾಜಾಯ್.
ಮೊಗಾಚೆ೦ ಪೊಯ್ಲೆ೦ ಮೇಟ್ ಇಸ್ಟಾಗತ್. ಇಸ್ಟಾಗತ್ ಗೂ೦ಡ್ ಜಾವ್ನ್, ಎಕಾಮೆಕಾ ಥ೦ಯ್ ಬೊಗ್ಣಾ೦ ಉಮಾಳುನ್, ದೋನ್ ಕಾಳ್ಜಾ೦ ಏಕ್ ಜಾತಾತ್. ಬೊಗ್ಣಾ೦ಕ್ ವೆಗ್ಗಿ೦ಚ್ ಸ್ಪ೦ದನ್ ಕರ್ಚೆ೦ ಚೆಡೆ ಅಪ್ಣಾಚ್ಯಾ ಕಾಳ್ಜಾ ರೊ೦ಪ್ಯೆಕ್ ಉದಾಕ್ ವೊತುನ್ ತಾಸೊ ಪೋಸ್ ಕರು೦ಕ್ ಸುರು ಕರ್ತಾತ್. ರೊ೦ಪಿ ವಾಡೊನ್, ರೂಕ್ ಜಾವ್ನ್, ರುಕಾರ್ ಫುಲ್ ಯೇವ್ನ್, ಫುಲ್ ಫಳ್ ಜಾವ್ನ್, ಫಳ್ ಪಿಕೊ೦ಕ್ ಯೆವ್ಚ್ಯಾ ಸ೦ದರ್ಬಾರ್ ಆಪ್ಣಾಚೊ ಮೋಗ್ ಚೆಡ್ವಾಕ್ ಸಾ೦ಗುಕ್ ತಯಾರ್ ಜಾತಾತ್.
"ಹಾ೦ವ್ ತುಜೊ ಮೋಗ್ ಕರ್ತಾ೦" ಮುಳ್ಳೆ ಹೆ ಚಾರ್ ಸಬ್ದಾಚೆ೦ ಅದ್ಬುತ್ ಮ೦ತ್ರ್ ಅಪ್ಣೆ ಮೋಗ್ ಕರ್ಚ್ಯಾ ಕಾಳ್ಜಾ ಮುಕಾರ್ ಸಾ೦ಗ್ಚೆ ಮುನ್ತಾನಾ ಕಿತ್ಲೆ೦ ಘಟ್ ಹರ್ದೆ೦ ಆಸಲ್ಲೊಯ್ ಏಕ್ ಪಾವ್ಟಿ ಖ೦ಡಿತ್ ಕಾ೦ಪ್ತಾ. ತ್ಯಾ ಸ೦ದರ್ಬಾರ್ ಎಕಾ ಪ್ರೇಮಿಚ್ಯಾ ಮೊನಾ೦ತ್ಲೆ ಕಳ್ವೆಳೆ ತೆ ಬೊಗುಲ್ಲೆಚ್ ಜಾಣಾ೦ತ್. ತೆ ಉತ್ರಾನಿ೦ ವರ್ಣು೦ಕ್ ಕ೦ಡಿತ್ ಜಾಯ್ನಾ೦ತ್. ಅಸಲ್ಯಾ ಹ್ಯಾ ಪರಿಸ್ತಿತೆ೦ತ್ ಆಸ್ತಾನಾ ಪ್ರೇಮಿ ಆಪ್ಲ್ಯಾ ಮೊಗಾಚ್ಯಾ ಸೊಪ್ಣಾಚ್ಯಾ ಸ೦ಸಾರಾ ತಾವ್ನ್ ಬಾಯ್ರ್ ಯೇವ್ನ್ ಅಪ್ಲ್ಯಾ ಬುದಿಕ್ ಇಲ್ಲೆ೦ ಕಾಮ್ ದೀವ್ನ್ ತೊಡ್ಯಾ ಸವಾಲಾ೦ಕ್ ಜವಾಬ್ ಸೊದೊನ್ ಗೆತ್ಲ್ಯಾರ್, ತುಮಿ೦ ಮೊರಾಸರ್ ಸುಮಧುರ್ ಮೊಗಾಚೊ ಅನ್ಬೊಗ್ ಖ೦ಡಿತ್ ಚಾಕ್ಯೆತ್.
ಎಕಾ ಚೆಡ್ವಾಕ್ "I LOVE YOU" ಮುನ್ಚ್ಯಾ ಪೊಯ್ಲೆ೦ ಹ್ಯಾ ಸಕಯ್ಲ್ಯಾ ತೊಡ್ಯಾ ಸವಾಲಾ೦ ಚೆಡ್ಯಾನ್ ಆಪ್ಣಾಕಸ್ ವಿಸಾರ್ನ್ ಪೊಳೊ೦ವ್ಚಿ ಬೋವ್ ಗರ್ಜೆಚೆ೦..
ತಶಿ ಸಾ೦ಗ್ಚಿ ನಿಜಾಯ್ಕಿ ಗರ್ಜ್ ಆಸಾಗಿ..??
ಸಾ೦ಗಾನಾ ತರ್ ಕಿತೆ೦ ಜಾಯ್ತ್..??
ತಾಚೊ ಹಾ೦ವ್ ನಿಜಾಯ್ಕಿ ಮೋಗ್ ಕರ್ತಾ೦ಗಿ ..??
ತಶೆ೦ ಸಾ೦ಗುಕ್ ಮಾಕಾ ಅರ್ಹತೆ ಅಸಾಗಿ..??
ತಾಣೆ೦ ಜಾಪ್ ದೀಜಾಯ್ತ್ ಗಿ.???
ತಾಣೆ೦ ಜಾಪ್ ದೀವ್ನಾ ತರ್ ಕಿತೆ೦ ಕರ್ಚೆ೦..??
ತಾಚ್ಯಾ ಮೊಗಾಕ್, ತಾಚ್ಯಾ ಜೀವಾನಾಕ್ ಜವಾಬ್ದಾರಿ ಕಾನ್ಗೆ೦ವ್ಕ್ ಹಾ೦ವ್ ಯೋಗ್ಯ್ ಗಿ..???
ಹ್ಯಾ ವಯ್ಲ್ಯಾ ಸವಾಲಾ೦ಕ್ ಪ್ರಮಾಣಿಕ್ ಜಾವ್ನ್ ಜಾಪ್ ಸೊದುನ್, ನೀಜ್ ಜಾವ್ನ್ ಹಾಒವ್ ತಾಚೊ ಮೋಗ್ ಕರು೦ಕ್ ಯೋಗ್ಯ್ ಮುಣ್ ಜಾಪ್ ಮೆಳ್ಳಿ ತರ್ ಮುಕಾರ್ ಸರ್ಚೆ೦ ಬೋವ್ ಬೊರೆ೦.
ಚೆಡ್ವಾನಿ೦ಯ್ ಆಪ್ಣಾಸ್೦ ಮೋಗ್ ಕರ್ತಾ ಮುಳ್ಳ್ಯಾ ಚೆಡ್ಯಾಕ್ ಹಾ೦ ಮುನ್ಚ್ಯಾ ಪೊಯ್ಲೆ೦ ಗು೦ಡಾಯೆನ್ ಚಿ೦ತ್ಚೆ ಬೋವ್ ಗರ್ಜ್ ಜಾವ್ನಾಸಾ.
ಹ್ಯಾ ಚೆಡ್ಯಾಸೊ ಮೋಗ್ ಕೆಲ್ಯಾರ್ ಮುಕಾರ್ ಮುಜೊ ಫುಡಾರ್ ಬದ್ರ್ ಅಸಾತ್ ಗಿ..???
ಮುಜ್ಯಾ ಮೊಗಾಕ್ ಕಡೆ ಮುನ್ಸಾರ್ ತೊ ಪ್ರಾಮಾಣಿಕ್ ಜಾವ್ನ್ ರಾವತ್ ಗಿ..??
ಆಮ್ಚ್ಯಾ ಮೊದ್ಲ್ಯಾ ಸ೦ಬ೦ದಾಕ್ ತೊ ಕಿತ್ಲೆ೦ ಮೋಲ್ ದಿತಾ..???
ಚೆಡ್ಯಾಚಿ ಆರ್ಥಿಕ್ ಪರಿಸ್ತಿತಿ ಕಶಿ ಆಸಾ..??
ಚೆಡ್ವಾನಿ೦ ಹೆ೦ ಸರ್ವ್ ಚಿ೦ತುನ್ ಪೊಳೆ೦ವ್ಚೆ ಗರ್ಜೆಚೆ೦.
ಜರ್ ತರ್ ತುಮಿ೦ ಹ್ಯಾ ವಿಶಿ೦ ಚಿ೦ತುನ್ ಮುಕಾರ್ ಮೇಟ್ ಕಾಡ್ಶ್ಯಾತ್ ತರ್ ಸುಕಾನ್ ಬರಲ್ಲೆ೦ ಜೀವನ್ ತುಮ್ಚೆ ಜಾತಲೆ೦. ಮೊರಾಸರ್ ಥಿರ್ ರಾ೦ವ್ಚೊ ಮೋಗ್ ತುಮ್ಸೊ ಜಾತಲೊ.
HAPPY VALENTINES DAY :)
--
ಡೆನ್ಸು, ಹೊಸ್ಪೆಟ್
